بكرمي الخاتوووووني الأسطوري ، سأسمح لكم بتصفح التي هي .. مدونتي
أرجو لكم وقتاً ممتعاً

الأربعاء، 24 يونيو 2009

جايتكم قريباً

أول شي السلام عليكم و رحمة الله و بركاته

يعني أدري هم حتكولون: خاتون يمعودة هاي وينج؟
هاي طبعاً إذا ظل بيكم أحد ليهسة يدخل للمدونة.. لأن مدونتي حالياً صايرة حديقة..
بس ما أدري يعني المشكلة إنه الكتابة يراد لها شوية مخ صافي و طقوس (كالتي يقوم بها حسومي كلما صار وقت الغداء) و آني أعترف بألم عميق بأنه حياتي مخربطة و يراد لها تنظيم، يعني لو آني أنظم وقتي من زمان جان هسة آني مستمرة وياكم من زمان، بس ما أدري ليش ما أنظم وكتي..تنظيم الوقت ضرووووري.
يعني باختصار بريستيجي هالفترة متخربط..
كاعد أدرس الآيلتس، و هذا بعيد عنكم مو بس صعب .. و مو بس كلش صعب
يشوي شوي!
امتحاني يوم السبت، آني وميتين واحد.. يا يابه!
أكولهم شنو يوم الحشر؟ إعدام جماعي؟

الله يعين كل واحد عنده مثل مشكلتي، و هسة إن شاء الله بالعطلة رح ترجع الخاتون و تذب رمانات..
و اللي يكول عني ناصبيه.. آني أكوله إنت ناصبي، زين؟
يلا كافي حجي لازم أروح أقرا

تقبلوا تحياتي الحارة

هناك 3 تعليقات:

Khalid from iraqiblogupdates.blogspot.com/ يقول...

وعليكم السلام ورحمة الله وبركاته

اتمنى لكم النجاح في هذا الامتحان وغيره من الامتحانات

تقبلي الاحترام والسلام

غير معرف يقول...

http://www.google.com/search?hl=en&q=ielts+exam+preparation+online+filetype%3Apdf+&aq=f&oq=&aqi=

هذه الرابط بلكت يفيدج خاتون
انتي لو كايلة قبل فترة انتي دتمتحنين ايلتز كان دورتلج شوية مواقع تفيدج المهم الله يساعدج هذه الامتحان انكليزي على بريطاني اصعب من التوفل الامريكي بالتوفيق انشالله انتي خاتون يعني لازم تثبتين نفسج خاتون حته بالانكويزي مو؟؟

البرجوازي العراقي

http://www.birjwazi.blogspot.com

*الخاتــــIraqi Ladyـــووون* يقول...

وي بعد وكت يا برجوازي، امتحنت و خلصت، هسة راح أحجيلكم شصار بمقالة فترقبوني
أي طبعاً آني خاتون شلون لعد؟

خالد و عليكم السلام و رحمة الله و بركاته، بارك الله بيك و تقبل تحياتي